Expressions

Tum the to mujhko Jaan..kya..kya..na karna tha...
Zara sa is dil mein kuch..yakeen hua karta tha...
Tum the to raat bhar...gungunaati thi baatein..
Masroof neend waalon ko..ranj bhi hua karta tha...
Adaaon mein rubaab tha..chaal bhi kuch alag si thi...
Tum the to apni zaat par..Ek gumaan sa rehta tha..
Tum the to har ek saans mein..ek zindagi hua karti thi...
Har ek pal guzra hua... Ek kalaam sa hi lagta tha...

Ab woh pal guzar to gaye...nazmein unki jaari hain...
Zindagi to jeeta hun..par saansein bahut bhaari hain..
Gumaan hai.. hawa mein beh raha..zaat ka pata nahin..
Adaayein kahin to chupp gayi.. Chaal..sharm saari hai.
Hanste hain neend waale..ab raaton ko utth utth kar...
Mere khuluus ki woh baatein..ab mousiki ki maari hai..
In yakeen ki baaton par..ab koi yakeen na karta hai...
Dekho na aye ..mere jaan..Maine kya kya kar guzaari hai..