Baat...!!

Aa ab sar rakh...god mein meri...
Zara zulfon ko sehlane de...
Kuch bol mat...chup chaap reh...
Kal hosh mein baat karte hain...

Kuch mere anaa ki baat ho...
Kuch teri adaa ki baat ho...
Kuch baat ki shuruaat ho...
Jaan...Phir baat karte hain...

Sab pairahan utaar kar...
Saari bandishein ukhaad kar...
Baat nikalti hai..to dur tak jaati hai...
Dur dur jaakar...phir baat karte hain...

Tere zulf ke reshaaon mein...
Mujhe manzilein miliin...jo agar...
Main ruk.. gaya...to kaanon ke...
Nazdeek baat karte hain...

Har zakhm cheekhta..chillata hai...
Jaise...sabko zubaan ho lag gayi...
Main tujhse baat kar lunga...
Pehle inki baat karte hain...

Kuch kehta hai zabeen mera...
Kuch to kadam bhi kehte hain...
Kehte hain...Badan ke purje....
Tu khatm kar...phir baat karte hain...


Rakh le mujhko aastaanon mein...
Ek lakeer ban sakta hun main...
Main tera faqr na ban gaya...
To ...phir baat karte hain...

Kabhi iski baat ...kabhi uski baat..
Shaam-o-subah...aur kai raat...
Mussalsal baaton baaton mein...
Hum kitni baat karte hain...

hawaaon si...deewano si....
Gubaar-o-aasamanon si....
Apne guroor-o-gumaan mein...
Baatein..kya kya baat karte hain...

Baat kya hai...kya hai yeh baat...
Zubaan pe rakhhe hue...kuch lavz le tukde...
Apne agle pichhle ka haath pakad kar...
Simte hue...kuch jazbaat...
Kuch roothe hue imaan ke haalaat...
Aur mehekte yakeen ke koi....sisasakte ... Armaan...
Koi tol sake to... Aadmi ke wafaa ki zaat...baat hai...

Baat kya hai....

Baat lehron ki tarah..ufan bhi maarta hai..chhattanon se ladkar,..toot.ta bhi.
Bhikar bhi jaata hai...par...
Kaayam rakhta hai...apne wajood ko...

Baat kya hai...

Baat ladkhada bhi jaata hai...
dhuut bhi hota hai...aadmi se Jyadaa...jaakar so jaata hai...
Takiye ke kone ko pakadkar...
aur phir baat karta hai...

Baat kya hai...

Baat rota bhi hai...bilakhta bhi hai..
kabhi chup chaap rehta hai...kabhi kuch likhta bhi hai...
Baat umr nahi hai..jo khatm ho jaaye....
Baat shaan hai...suroor hai...imtehaan bhi hai...
Baat kai.on ki pehchaan bhi hai....

Baat kya hai...

Baat kuch bhi to nahi hai....

Hum bewajah... Raat ko badnaam karte hain....
Chalo... Kal hosh mein ..baat karte hain...