A Thought

Tamaam mere sawaalon ka..
Bas Hanskar..Jawab de gaye..
Khwahishon mein apni uljha ke mujhe..
Mere Saare khwab le gaye...

Ye kaisa Sauda..Kahan ki Wafa..
Ke hum rat-te rahein..Bayaan-e-Sukhan..
Aur Woh Mod ke ek panne ka siraa..
Meri Zist-e-Kitaab Le gaye...

Zist-e-kitaab : Book of Life

Woh...

Kya Marz tha..Kya Ho gaya..
Woh Kyun Is Umr Mein So gaya...
Bas Mangta Raha woh ishq mein..
Woh Karz mein Shaheed ho gaya...

Na kar koi Tarq-e-wafa..
Dekh ke un nazaron mein ret...
Kya Jaanon tum..ke Sadiyon mein..
Woh kitne saawan ro gaya...

Jo chali Us par..Koi Teer-e-nazar..
Woh hans ke ghayal ho gaya...
Woh Jaanta tha..har shab ki Jalan..
Woh shaam se badal ho gaya...

Kya Lutf tha..Kya Daur tha..
Woh Samundaron ko pee gaya gaya..
Kya Lutf hai..Kya Daur hai..
Ek Katra Usse Duboo gaya...

Jo Bayaan..is kadar haseen...Niraj
Woh Tum pe guzra kis tarah hoga..
Kya Likhte ho tum..Firaaq-e-Sukhan..
Har Masla hi mureed ho gaya...

Tarq-e-Wafa : Argument in Love
Firaaq-e-Sukhan: Happiness/Peace in Separation
Mureed : Fan

Keemat

Kuch Keemat laga lete..
Apne Deewangi ki "Niraj"..
Kyun Har lamha..
Muft mein bika karte ho...

Hai Dua tumhe.. roz..
fanaa hone ki to kyon..
Kya Aarzu-o-talaash hai..
Jo roz jiya karte ho...

Kuch Sawaal...

Maine Suna hai..
Khuda maante ho mujhe...
Kyun aise dekhte ho..
Jaise Jaante ho mujhe...??

Wafaa-o-gumaan-o-imaan se...
Rahein Kadam tere jawaan...
Rakho Khwahishein jawaan...
Kyun Maangte ho mujhe...??

Minnat-o-bagawatein..
luft-o-inayaatein...
itni jo chahtein teri..
Kyun Chahte ho mujhe...??

Jo Keh Uttha Sharaab...
Laga lo shart baazi-e-suroor ka...
Jo itraate ho yun "Niraj"..
To kyun Maangte ho mujhe...???

Kuch Kami...

Aur bhi Hain..Jahaan mein Ranjishein...
Is dil ko jalane ke liye...
Is raat ke taaron ki.. khalish mein..
Kuch Kami si hai...


Reshami Ek Ehsaas ki..
Talaash hai ab har ghadi..
Waqt kuch rukaa sa hai..
kuch Saans bhi thami si hai...

Sehlaata raha..raat bhar..
Main Ek zakhm-e-fareb ko..
Mawaad kuch bhara sa hai..
Us Ghaav mein nami si hai...

Kahin Kho gaye to kaun hai..
Jo hausla-e-raah de..
Ek dhund hai raah-e-ishq mein...
Kuch Barf si jami si hai...

Ho Shaks tum Jaise "Niraj"
To kyun aarzu-o-malaal ho..
Har sheh hi Khushgawaar hai..
Tum mein kuch kami si hai...